Actualités

Mpiasan’ny Jirama nogadraina dia noroahina

Actualités
Talata 17 Novambra 2020

“ Aoka izay ny tsy fanarahan-dalàna eto amin’ny firenena” Ela ny ela fa nivoaka tamin’ny fahanginana ireo mpitarika roalahy

teo anivon’ny sendikan’ny orinasa JIRAMA nogadraina dia noroahina tsy ara-drariny tamin’ny asany. Nitafa tamin’ny mpanao gazety izy ireo omaly maraina tetsy Ambohijatovo notarihin’Atoa Oliva Mamitiana Andrianalimanana, filohan’ny komitin’ny orinasa JIRAMA nanomboka tamin’ny taona 2014 ka mandraka ankehitriny sy Atoa Tovonirina Andriamihaja delegen’ny sendikan’ny JIRAMA nanomboka tamin’ny taona 2014 ihany koa ka hatramin’izao. Aoka izay hoy izy roalahy ireo ny tsy fanarahan-dalana misy eto amin’ny firenena. Aoka ihany koa izay hoy izy ny JIRAMA tsy mampihatra didim-pitsarana sy ny JIRAMA tsy mampihatra ny fanapahan-kevitry ny Ministeran’ny angovo izay mpiahy azy.Hatramin’izao mantsy hoy izy ireo dia mbola tsy manaiky ny handraisana azy mirahalahy hiverina hiasa eo anivon’ny orinasa JIRAMA ihany ireo tompon’andraikitra isan-tsokajiny, tarihin’ny tale jeneralin’ny JIRAMA ankehitriny na dia efa nisy aza dia didim-pitsarana nivoaka mifandraika amin’izany sy ny didy avy amin’ny Ministeran’ny angovo nivoaka tamin’ny 09 Oktobra lasa teo. Nomarihin’izy roalahy ireto moa fa hatrany am-boalohany mihitsy dia efa nisy ny fandikan-dalana nataon’ny orinasa JIRAMA taminy. Naiditra am-ponja avy hatrany mantsy izy ireo tamin’ny septambra 2015 rehefa avy nosamborina nandritra ny fitokonan’ny mpiasan’ny JIRAMA. Notapahina ihany koa ny asa fivelomany taorian’izany na dia olona voaaro aza izy ireo. Nampiakatra fitsarana ambony izy roalahy taorian’izany ka afaka soamantsara. Andrasana araka izany ny fahafahany miverina indray manohy ny asa sy ny hampitsaharana tanteraka ny tsy fanarahan-dalana miseho eto amin’ny firenena.

Pati