Actualités

Mpiasan�ny kaominina : Misy ny mangalatra tsotra izao

Actualités
Zoma 22 Janoary 2010

Raikitra indray ny sakoroka teny Behoririka, omaly tokony ho tamin�ny mitataovovonana, teo amin�ireo mpivarotra amoron-dalana, an-daniny, sy ireo mpiasan�ny kaominina an-kilany.

Nanao be midina teny an-toerana nanala ireo mpivarotra tsy ara-dalàna mantsy ireto mpiasa ireto, araka ny toromarika azon’izy ireo, saingy tsy nanaiky mora foana kosa ireo mpivarotra. Raha ny fanazavan’i Soa, mpivarotra, dia efa nisy ny fifampiresahan’izy ireo tamin’ny mpiasan’ny kaominina ny maraina fa haka sisiny izy ireo, fa tsy hampiasa ny lalana natokana ho an’ny mpandeha. “Tsy nanaja izany anefa ny kaominina fa mbola nandefa ireo be sandry ihany izay nandraoka avy hatrany ny entanay ”, hoy ihany izy. Raha ny fanazavan’izy ireo ihany dia tsy nanatanteraka ny asany araka ny tokony ho izy ireto mpiasan’ny kaominina ireto fa misy ny sasany no mangalatra. “Ny tena nahasosotra ny mpivarotra dia ny fisintonan’ny iray amin’izy ireo ny poketra teny an-tanan’ny Ramatoabe iray namanay sy ny fahitana koa fa tsy nampidirin’izy ireo anatin’ny kamiao akory ny entanay nalainy fa nafeniny”, hoy i Soa. Tezitra noho izany ireo mpivarotra ka nitora-bato ireo mpiasan’ny kaominina. Vaky nandositra moa ireto farany ary niandry teny amin’ny sampanan-dalana Behoririka ambany.

Andry