Actualités

MPANDRAY ANJARA SA MPITSARA ?

Actualités
Talata 26 Aogositra 2014

Ry miseho misolantsolana, Ry miseho manendry tena, Fa hitondra vahaolana Hampihavanam �pirenena.

Ianao anie « mpandray anjara »

Tamin ‘iny lalana iny ,

Ka hivadika ho « mpitsara »

Nony fe ankehitriny ?

Sao tsy rariny sakaiza

Izato tetikao marivo,

Fa tsy hisy n’aiza n’aiza

Ny toy izany ka tsahivo .

…Tsy nalazo ny nihinanana,

Araka ny feo niely,

Dia efa ratsy fihavanana,

Ianao sy ‘retsy fozakely.

Ka nahoana no hitonona

Ho mpitari-pampihavanana ?

Tena misy anie ‘reo vonona,

Ka nahoana no sakanana ?

‘Zany indray no politika :

Ilay manao ny tsy fanao ?

Potika no nosintsika

Ka mialà raha toy izao !

SEDERA RAVALISON (23 -8-14)