MPANAKANTO DENISE

Lasa ambasadaoro vaovaon'ny

Actualités
Zoma 17 Jolay 2026

marika World Cola ny mpanankato Denise.

Hiara-kiasa akaiky amin'ity marika ity ny mpanakanto malagasy Denise, izay marihina fa manana ny lazany eo amin’ny sehatra iraisam-pirenena. Haharitra herin-taona ny fiaraha-miasa, izay natao hanamafisana ny lazan’ny marika Woco, ary tafiditra ao anatin'ny paikady fanamafisana ny toerany eo amin'ny tsena Afrikana. Amin'ny alalan’ny fiaraha-miasa amin'ity mpanankato ity, dia manamafy ny finiavany hifandray amin'ireo olo-malaza mitovy soatoavina sy vina aminy ny Woco. Araka izany dia handray anjara matetika amin'ireo hetsika karakarain'ny Woco eto Madagasikara i Denise. Hanasongadina ny vokatra izy ary handray anjara amin'ny fampahafantarana bebe kokoa an'ny Woco amin'ny Malagasy. Ny Woco dia marika miorina amin’ny fifandraisana amin’ny tanora, fitondrana fahavitrihana ary fifandraisana akaiky amin'ny tontolo « urbain ». Noho izany dia hanamafy ny fifandraisany amin'ny tanora malagasy sy indrindra ny tontolon'ny mozika «urbaine » ny Woco.Ny fisafidianana an'i Denise ho masoivohon'ny marika, dia manamafy hatrany fa ny Woco dia manaraka ny fivoaran’ny toetrandro ary mirona manaraka ireo hetsika mampihetsi-po sy mampientanentana ny mpanjifa malagasy, sady hampisongadina hatrany ny marika aty amin’ny kaontinanta afrikanina. Notanterahina tamim-pomba ofisialy afak'omaly alarobia 15 Jolay , tao amin'ny Presto Dinner Ankorondrano ny sonia fifanaraham-piara-miasa mifandraika amin'izany.
Pati
Légende : Nandritra ny fampahafantarana nataon'ny roa ny fiaraha-miasany !