MPAMONJY VOINA ETSY TSARALALANA

Nampahafantatra ny asany tamin’ny ankizy mpianatra

Actualités
Zoma 07 Febroary 2025

Mbola betsaka amin’ireo ankizy mpianatra no tsy mahalala ny asan’ny mpamonjy voina sy ny tena

antom-pisiany marina. Miezaka mandray ireo sekoly tonga mandalo ao aminy ny etsy Tsaralalana ankehitriny ka anisan’ny tazana teny an-toerana omaly Alakamisy 06 Febroary ny mpianatry ny sekoly Alliance Francaise avy eny Antsobolo. Nisy ny fanentanana nataony tamin’ny mpianatra nandritra izany mba tsy hilalao eny amoron-drano na hikitikitika ireo karazana kojakoja mitondra herinaratra ao an-tokantrano ao izay tena mitera-doza amin’ny fotoana tsy hampoizina tokoa. Anisan’izany ny fahamaizan’ny trano sy ny fahafatesana anaty rano. Nofaranana tamin’ny fampahafantarana ny mpianatra ireo asa sahanin’izy ireo mandritra ny famonjena ain’olona latsaka an-drano na famonoana afo mandritra ny haintrano mitranga ny fihaonan’ny roa tonta izay tena nahaliana ireo kilonga madinika tokoa.
Pati
Legende : Nandritra ny fanentanana natao tamin’ireo mpianatra !