Actualités

Misoko mangina ny �Ebola� Mikoropaka i Kolo Roger

Actualités
Alatsinainy 18 Aogositra 2014

Manomboka manidy sisintany tsikelikely ny firenena afrikana sasany noho ny fihanaky ny viriosy Ebola.

Farany teo izao dia i Kenya no nanakatom-baravarana amin’ireo firenena ahitana io viriosy io. Izay ve no nampikoropaka ny praiminisitra sady minisitry ny fahasalamana, Dr Kolo Roger. Nidina andro misasak’alina teny amin’ny seranam-piaramanidina iraisam-pirenena Ivato izy ny sabotsy teo nizaha ny zava-misy. Izy tenany ihany no nilaza fa goragora ny rafitra fanaraha-maso ara-pahasalaman’ireo vahiny miditra eto Madagasikara napetrany eny Ivato. Be fanahiana, araka izany, ny praiminisitra satria mandindona ny viriosy Ebola raha tsy hilaza afa-tsy io. Izy tenany ihany anefa no nilaza, herinandro lasa izay, fa tsy misy ahiana ny fidiran’io valanaretina io eto Madagasikara.