Misesy ny zava-doza feno misitery

Partagé sur :
• facebook

hita niaraka tamin’ny labozia...

Tanan-jazakely iray niaraka tamin’ny labozia no hitan’ny ramatoa iray tao Ampasika Atsimo, ao amin’ny Fokontany Anosimasina, omaly maraina. Ora vitsy taorian’izay, ny tongony kosa dia hitan’ny olona notaritarihan’ny alika teny amin’ny manodidina ihany koa. Tsy nisy nanambara zaza very na tsy hita teny an-toerana, araka ny fanamarihan’ny zandary ao amin’ny tobim-paritr’i Bemasoandro, izay nampandrenesin’ny fokonolona sy nanao ny fitsirihana teny an-toerana. Mbola baraingo tanteraka ny mikasika ireto ratsam-batan-jazakely hita teny Ampasika Atsimo ireto. Misesy ny tranga mampivarahontsana tahaka izao. Sanatria ve misy ifandraisany amin’ilay fahitana fatin’olona mianaka teny amoron’Ikopa vao andro vitsy lasa izay? Sanatria ilay zaza iray hafa voalaza fa niaraka tamin’izy ireo fa tsy hita? Ny fanadihadiana ataon’ny manam-pahefana no hanamarina na handiso izany. Fa ny tsy azo lavina dia toa misesy ny zava-doza hafahafa mitovitovy. Asa misy ifandraisany ve? Ankoatra io teny Ampasika io, tany amin’ny Kaominina Ambovombe Centre, Distrikan’i Manandriana, ny herinandro lasa teo, nisy tranga mitovitovy. Naniraka ireo mpiasany ny tompon-trano iray mba hanala ilay dongon-tany (ranon-tany) teo antokon-tany satria handray vahiny izy. Akory ny hagagan’ilay mpiasa fa nahita tongo-jaza izy, ka nilaza avy hatrany tamin’ilay mpampiasa azy. Inona no ao ambadik'itony zava-doza ity? Asa ratsy mifandraika amina sorona? Fanakorontanana fiarahamonina sy Firenena ?
Toky R
 

Tia Tanindrazana

Samia mijoro ho an'i Gasikara.