Minisitry ny serasera

Hihaona amin’ireo tompona haino aman-jery

Actualités
Alakamisy 08 Janoary 2026

Hisy ny fihaon’ireo tompona haino aman-jery

amin’ny minisitry ny serasera sy ny kolontsaina rahampitso zoma, raha ny fampitàm-baovao voaray. Ho an’ireo any amin’ny Faritra dia efa misy ihany koa ny toromarika eny anivon’ny DRCC na fiadidiana isam-paritr’ity minisitera ity rehetra mba ahafahana mandray anjara amin’izany, hoy ny fanazavàna. Lohahevitra hodinihina ny anjara andraikitry ny serasera eo amin’ny fampandrosoana ny fiarahamonina. Ho resahina mandritra io andro io ihany koa ny fanohizana indray ny tetikasa hivadihana amin’ny TNT na «télévision numérique terrestre». Efa nandefasana fanasana avokoa ireo tratra antso. Ho an’ireo tsy afaka miakatra aty Antananarivo dia anjaran’ny DRCC no mampita ny hafatra sy ny zavatra tapaka rehetra nandritra io fihaonana io. Ao amin’ny efitrano Dox, ao amin’ny Tranombokim-pirenena Anosy, no hanatanterahana ny fihaonana izay hanomboka amin’ny 10 ora maraina, raha ny fanazavàna hatrany.
Nangonin’i J. Mirija