Actualités

Minisiteran’ny fahasalamana Notoloran’ny Fondation BOA fiara 6

Actualités
Talata 15 Septambra 2020

Nanolotra fiara tsy mataho-dàlana fitondrana marary miisa 06 ho an’ny Minisiteran’ny fahasalamam-bahoaka ny « Fondation BOA » sy ny « Madagascar International Container Terminal Services » omaly ny 14 Septambra 2020.

Nisolo tena ny fitondram-panjakana nandray ireo fiara ireo teny amin’ny CCI Ivato toerana misy ny CCO ny Minisitry ny Fahasalamam-bahoaka sady filoha lefitry ny CCO, Profesora Rakotovao Hanitrala Jean Louis. Haparitaka any amin’ireo toerana saro-dàlana ireo fiara tsy mataho-dàlana satria any no tena ilaina azy noho ny tanjany, araka ny fanazavana. Nambara fa isan’ny tosika hanome fahasalamana manaja ny maha olona ho an’ny vahoaka malagasy (Humanisation des Soins) ireo fampitaovana ireo, ka notolorana fisaorana ny mpanolotra. « Mbola mitohy ny ady amin’ny Coronavirus ka ilaina ny fanomezan-tanana tahaka izao » hoy hatrany ny Minisitry ny fahasalamana.

Toky R