Michel Rabemahefa

Feno ny maha Ambasadaoron’i

Actualités
Alarobia 07 Oktobra 2026

Madagasikara azy any Frantsa

Noraisina tao amin’ny Lapan’i Élysée, Paris, Atoa Michel Rabemahefa, ny alatsinainy 5 oktobra 2026, nanolotra tamin’ny Filoha Frantsay, Emmanuel Macron, ny taratasy fanendrena azy ho Ambasadaoro Mahefa sy Feno fahefan’ny Repoblikan’i Madagasikara any amin’ny Repoblika Frantsay. Ity no namarana ny dingana ara-pomba ofisialy amin’ny fankatoavana azy amin’ny maha Ambasadaoron’i Madagasikara any Frantsa azy, taorian’ny nanolorany ny dika mitovy amin’ny Taratasy fanendrena azy tamin’ny Protocole d’État frantsay, ny 2 jolay lasa teo. Hanohy ny iraka nankinina taminy amin’ny fanamafisana hatrany ny fifandraisana, ny fifanakalozan-kevitra ary ny fiaraha-miasa eo amin’i Madagasikara sy Frantsa, ny Ambasadaoro Michel Rabemahefa, ary koa amin’ny fampandrosoana ny fiaraha-miombon’antoka eo amin’ny firenena roa tonta. Voatendry tamin'ny volana Aprily 2026 ho Masoivohon'i Madagasikara vaovao any Frantsa Atoa Michel Frédéric Joro Rabemahefa. Ankoatra an'i Frantsa dia misolo tena an'i Madagasikara any Espaina, Portogaly, Israely, Monaco, ary ny Fahefana Masina (Vatican) ihany koa izy.
Jean D.
Ny Ambasadaoro Michel Rabemahefa sy filoha frantsay Emmanuel Macron