Actualités

Masoivoho Malagasy any Frantsa Nahatezitra olona maro ny fitavozavozany

Actualités
Zoma 15 Mey 2020

50 andro taty aoriana vao nanao antso fifanomezan-tanana eo amin’ireo mpiray tanindrazana malagasy taraiky sy monina ao Frantsa ny ambasadin’i Madagasikara ao Paris mba tsy hilazana hoe izay vao nandray fepetra,

hoy ny tsikeran’ireo malagasy ao an-toerana nahita ny fanambarana nataon’ny ambasadaoro, Olivier Rija Rajhonson, omaly. Namoaka fanambarana moa ity farany ny amin’ny mba hisoratan’ireo malagasy mahatsiaro fa mila fanohanana ao an-toerana na koa afaka manampy ny mpiray tanindrazana ao amin’ny tambazotran-tserasera welp.fr. Misy ny vovonana izay iarahan’ny ambasady miasa amin’ireo Diaspora ao an-toerana hanangonana sy hitsinjarana izay fifanampiana sy fifanomezan-tanana izay, hoy ny fanazavana. Efa betsaka ireo mpianatra tsy misakafo sy tsy mahaloa hofan-trano kanefa ny nomeraon’ny ambasady tsy misy mandeha rehefa antsoina, hoy ny fitarainan’ireo mpianatra tao anaty tambazotran-tseraseran’ity ambasady ity.