Actualités

Masoivoho Frantsay Miato avokoa ireo asa eto Antananarivo

Actualités
Alatsinainy 06 Jolay 2020

Manoloana ny fepetra noraisin` ny fitondram-panjakana mahakasika ny fihibohana eto amin`ny faritra Analamanga, dia nanatanteraka fivoriana entina iatrehina izany (cellule de crise) ao amin’ny masoivoho frantsay.

Noho izany, miato indray ny fandraisana olona manan-draharaha eny anivon` ny masoivoho, toy ny fangatahana fahazoan-dalana manokana hivezivezy (visa) any Frantsa eo anivon` ny TLS. Ireo “services consulaires” kosa dia hisahana fotsiny ireo raharaha maika. Marihana fa ny 28 jona lasa teo no niverina niasa indray ny sampandraharaha misahana ny famoahana “visa” saingy mbola voafetra ihany koa ireo afaka mangataka izany “visa” izany toy ireo mpianatra maniry hianatra any Frantsa; ny vady aman-janak’ireo teratany frantsay; ireo mpiasa hamita iraka any Frantsa. Ny sokajy hafa kosa dia tsy maintsy miandry ny famerenana amin` ny laoniny ny sidina Madagasikara sy Frantsa.

Marigny A.