MASINDRAY AVARADRANO

Zava-maniry arovana 45 fototra tratra tamin'ny toeram-pambolena

Actualités
Alatsinainy 14 Jolay 2025

Sokajin-zava-maniry ahiana ho lany tamingana toy ny operculicarya, pachypus, ravenea sp,

eleohantopus sp, ary cycas mitontaly 45 fototra no sarona tamina toeram-pambolena zana-kazo iray teny Masindray, distrikan' Avaradrano ny faran'ny herinandro. Teratany karana iray no tompon'andraikitra tamin'izany hoy ny vaovao. Mbola taratasy hosoka (𝒍𝒊𝒄𝒆𝒏𝒄𝒆 𝒅'𝒐𝒑𝒆́𝒓𝒂𝒕𝒆𝒖𝒓 𝒆𝒙𝒑𝒐𝒓𝒕𝒂𝒕𝒆𝒖𝒓 𝒅𝒆 𝒇𝒍𝒐𝒓𝒆 𝒔𝒂𝒖𝒗𝒂𝒈𝒆) ihany koa no nampiasain'ity tera-tany vahiny ity tamin'izany. Voasambotra niaraka taminy moa ireo mpiray tsikombakomba tamin'ny fanaovana ilay taratasy hosoka. Efa nampandrenesina ny tompon'andraikitra eo anivon'ny Ministeran'ny tontolo iainana sy ny Fampandrosoana (MEDD) ka efa noraisin'izy ireo an-tanana ireto zava-maniry arovana ireto. Ny zandary avy ao amin'ny Borigadin' Antananarivo renivohitra kosa no miandraikitra ny fanadihadiana.
Pati
Légende : Ireto izy 3 mianadahy tompon'andraikitra !