Actualités

Marc Tatandraza Efa manodina ny rakitsary fahatsiarovana

Actualités
Alakamisy 24 Aogositra 2017

Mbola eto ambonin’ny tany raha ny vaovao nampitain’ny nilaza ho delegasionina miaraka aminy tamin’ny antso an-tariby omaly ilay mpitondra

fivavahana nanorina ny Fiangonana Kristianina Mitambatra (FKM), Marc Tatandraza, fantatry ny rehetra amin’ny hoe Apostoly Tatandraza. Eto Madagasikara ihany koa matoa mbola azo amin’ireo tambajotram-pifandraisana an-tariby eto an-toerana ny laharany. Tsy afaka niresaka an-telefaonina kosa izy, raha ny fanazavana, noho ny fahasahiranany mandrakitra am-peo ny fahatsiarovana farany mialoha ny hialany eto an-tany, araka ny efa nolazainy farany. Hisy ihany koa ny fampahafantarana an-gazety sy haino aman-jery ny fiaingany hody any amin’ny Ray amin’izay, raha ny nambaran’ity mpanara-dia azy hatrany. Tsy ho ela intsony dia ho tontosa ireo rakitsary fahatsiarovana ireo, raha ny voalaza, ary hozaraina amin’ireo mpino sy ny vahoaka ato ho ato.

J. Mirija