Actualités

Mangarano Toamasina Olona roa naratran’ny fipoahana tavoahangina « gaz »

Actualités
Alarobia 22 Febroary 2023

Nitrangana toe-javatra mampalahelo tao amin’ny Fokontany Mangarano 11-47 eny amin'ny lalana miazo ny SOS village d'enfant Toamasina omaly fa nisy entona nipoaka tao amin' ny trano iray vao an-dalam-panamboarana.

Olona roa no fantatra fa naratra mafy vokatr’izany. Ny sampana mpamonjy voina any an-toerana moa no tonga namono ny afo ary namoaka ireo entona anaty tavoahangy ambiny miisa 44 tao amin'ity tokantrano iray ity. Raha araka ny fantatra moa dia fuite de gaz no nahatonga ity voina ity ary efa hanaovana fanadihadiana manokana hatramin’ny omaly hariva. Miantso ireo vahoaka ao Toamasina mba tsy hitahiry entona amin’ny tavoahangy tahaka izao ireo mponina any an-toerana hisorohana ny loza mety hitranga.
Nangonin’i Pati