Actualités

Maneso sy mandatsa

Actualités
Alarobia 08 Jolay 2015

Efa nanaitra ireo tompon�andraiki-panjakana isan-tsokajiny ny �Collectif du Citoyen et des Organisations Citoyennes� tamin�ny fanambarana nataony ny 28 mey 2015 mikasika ireo fandikan-dal�na sy fanaparam-pahefana isan-karazany tsy takona afenina.

Tsy nihaino izany anefa na ny fahefana mpanatanteraka na ry zareo teo anivon’ny andrim-panjakana mpanao lalàna. Ny loza dia toa mitohy hatrany ireo fihetsika maneso sy mandatsa ny olom-pirenena toa mampiseho fa azy ireo i Madagasikara ka afaka manao izay saim-pantany sy mifanaraka amin’ny sitrapony ireo sokajin’olona nampindramin’ny vahoaka fahefana ireo. Manaporofo izany, ohatra, ny fanamparam-pahefan’ny mpitondra mpanatanteraka mikasika ny orinasam-pitaterana anabakabaka Malagasy sy ny fanakatonana na fandrarana ireo haino aman-jery hanohy ny asa fampahalalam-baovao. Tsy misy valaka amin’izay ihany koa ny fanararaotam-pahefan’ireo depioten’i Madagasikara manoloana ireo olom-pirenena mpifidy tahaka ilay tranga nandritra ny fitsipaham-pitokisana ny 3 jolay 2015 teo. Aok’izay ny fitiavan-tena sy ny toetra tsy mendrika rehetra nasehon’ireo mpitondra tsy an-kanavaka mba hiverenan’ny fahatokisan’ny olom-pirenena azy ireo, hoy ny fanambarana vaovao avy amin’ny CCOC.

Ramano F.