Actualités

Partagé sur :
• facebook

« Tsy noraharahain’ny mpitondra fanjakana mihitsy ny fitarainana nataonay. Efa izahay mpianatra mihitsy no tonga nihaona tamin-dramatoa minisitry ny Fampianarana Ambony ary efa nomeny fampanantenana fa hataon’izy ireo sonia ilay taratasy fanekena andoavana ny volan’ny mpampianatry ny Seces kanefa dia nivadika indray izy ireo »

. Io no fanambarana nataon’ny  filohan’ny  fikambanan’ny mpianatra avy ao amin’ny sampam-pianarana fitantanana omaly. Noho  izany dia nanapa-kevitra ireo  mpampiantra ao amin’ny Seces  fa tsy  handray mpianatra afaka bakalorea aloha amin’ity taona ity fa  hiandry amin’ny  2016. Ny volana oktobra  mantsy, hono, ny fanjakana vao manam-bola handoavana ny volan’ny Seces ka dia tapaka fa tsy afaka hiandry izany ireo mpampianatra mpikaroka izay  nivory  omaly teny Ankatso. Tsy faly ary tena tsy  afa-po amin’ny zava-miseho ireo mpianatra izay natahotra ny hisian’ny taona  fotsy ka dia nanapa-kevitra koa ny hiaraka hanao sit-in amin’ny mpampianatra izy ireo ny  zoma ho avy izao. Ny  sampana fitantanana sy ny siansa ary ny  sampana teknika no  efa tena vonona  amin’io fihetsehana amin’ny zoma io satria mitovy  fomba fijery. Mbola mijanona daholo ny asa fampianarana sy ny asa fikarohana rehetra manerana ny oniversite sy ny foimbem-pikarohana sahanin'ny fanjakana amin’izao fotoana. Manizingizina ihany koa ry zareo Seces fa tsy tompon'antoka amin'izay mety tsy ho fahalavorarian'ny fanadinana BACC amin’ity taona 2015 ity raha hatao tsy miaraka amin'ny fandraisana anjaran'ny olona afaka mitana ny andraikitry ny Président du Jury (Maître de Conférence farafaharatsiny) izany.

Andry Ratovo

Tia Tanindrazana

Samia mijoro ho an'i Gasikara.