Actualités

Partagé sur :
• facebook

Sady marary no mangirifiry ny miresaka ny seranam-tsambo any Manakara sy ny tetezana ao Manakarabe izay mifampiankina ary hiankinan’ny famoaham-bokatra any amin’iny Faritra Vatovavy Fitovinany iny amin’ny ankapobeny, hoy ny depiote

Zafimahatratra Abel voafidy tany an-toerana, satria efa in-jato mahery, tany amin’ny 114 tany raha kely indrindra, ny tena no nampahatsiahy ny tompon’andraiki-panjakana ny amin’ny tokony hamitana ireo fotodrafitrasa ireo nefa tsy mahaketraka ny miangavy ny hamitana azy ireo fa miankina amin’ny fahavitan’izy ireo fotodrafitrasa ireo ny fampandrosoana an’i Manakara. Voatery hoentina amin’ny fiara lehibe ny vokatra avy any an-toerana ka mampiaka-bidy azy izany ary manakivy ny mpandraharaha mpanangom-bokatra ka manjary tsy misy miasa intsony any. Ny “pont Bailey” misy ankehitriny ao Manakarabe izay tetezana vonjimaika ve ahafahana mampandroso marina an’i Manakara ? hoy ity depiote ity.  Tany aloha dia nazoto niasa ny olona satria nisy ny orinasa toy ny  sté Marseillaise, ny Compagnie Lyonnaise, ny  Cntrh, ny Somacodis, ny Sice, ny Auximad, ny Sté Ramanandraibe sns… niasa nanao lavanila, “poivre” sns… tany sy nanangom-bokatra tany an-toerana dia nisy tokoa ny asa hoan’ny rehetra ary dia nazoto namboly ny mponina.Taty aoriana dia nokapain’ny olona ny fototra kafe noho ny tsy fisian’ny famoaham-bokatra tamin’ny tsy fihodinan’ny “Port” ka nitotonganan’ny vidiny ary dia nosoloiny tanimbary ny toeram-pambolena. 

Ntsoavina Evariste

Tia Tanindrazana

Samia mijoro ho an'i Gasikara.