Actualités

Maitre Olala “Tsy manaraka ny fenitry ny lalàna ny fanafahana an'i Arphine”

Actualités
Alarobia 06 Mey 2020

Tsy anjaran’ny filoham-pirenena fa an’ny fitsarana no tokony hamoaka ny mpanao gazety, Arphine Helisoa, hoy ny mpisolovava, Willy Razafinjatovo na Maitre Olala.

Ny olona avy niakatra fitsarana no azo omena famotsoran-keloka na “grace presidentielle” fa i Arphine, hoy izy, dia nogadraina fotsiny kanefa tsy nisy nataony ary tsy nampiakarina fitsarana akory. Raha fahafahana vonjimaika no nomena dia mba midika izay fa mbola mitohy ny dosie ary hiakatra fitsarana ny raharaha hivoahan’ny marina. Ho hitan’izao tontolo izao fa nigadragadra fahatany izy. Farafaharatsiny fahafahana madiodio na fampitsaharana ny fanenjehana no efa nitranga, raha ny fanazavany, hatrany. Nomarihin’ity mpisolovava ity moa fa tsy nisy nitory i Arphine ary nilaza izy fa tsy manaraka ny fenitry ny lalàna iny fomba namoahana azy iny.

J. Mirija