Maitre Eric Rafidison

«Mampitombo ny marina tsy fantatra ny lazain’ireo manam-pahefàna»

Actualités
Talata 22 Jolay 2025

Lasa mampitombo ny marina tsy fantatry ny vahoaka

ny lazain’ireo manam-pahefana tamin'ilay famosaviana ara-tsakafo teny Ambohimalaza, hoy ny mpisolovava, Maitre Eric Rafidison. Mbola tsy nahafantatra ilay singa nahatonga ny famosaviana nahafatesan’olona maro teny Ambohimalaza hatramin’izao, hoy ity mpisolovava an’ireo fianakavian’ny namoy ny ainy ity. Angatahana, araka izany, ny hivoahan’ny marina amin’ity tranga ity, hoy izy omaly raha tonga teny amin’ny "Brigade de Recherches Criminelles" na borigady misahana ny heloka bevava eny Fiadanana. Tamin’ny zoma lasa teo no nandefa taratasy fitoriana manoloana ity tranga ity ireo fianakaviana. Ilaina ihany koa ny mahafantatra ny marina mikasika ity tranga ity sy ny fampiharana ny sazy ho an’ireo meloka. Mampitombo ny marina tsy fantatry ny vahoaka ny lazain’ireo manampahefana amin’ity tranga ity, izay mbola tsy fantatra ny tena marina iray volana aty aoriana ka mampiahiahy, hoy hatrany ny tenany. Nisy moa omaly ny fakàna am-bavany an’i Fenohasina, tompom-pety, sy ireo olona heverina fa meloka tamin’ity famosaviana ity ka andrasana ny tohiny.
Nangonin’i J. Mirija