Actualités

MAHAJANGA Nanapoaka basy teo am-pisotrosotroana ilay tovolahy

Actualités
Alatsinainy 24 Jolay 2023

Tovolahy iray vao 30 taona monja no tratra nanapoaka basy tao amin’ny toeram-pisotroana iray tao tany Mahajanga ny 21 jolay lasa teo.

Raha tsiahivina kely dia nahazo antso ny UIR Mahajanga fa misy korontana ao amin'ny toeram-pisotroana iray ao amin'ny poteau mainty ka mihafara amin’ny fanapoahana basy izany. Avy hatrany dia nidina teny an-toerana nisy ilay korontana ny Polisy ka tratra nandritra izany ity tovolahy ity. Niaraka tamin'ny basy vao avy napokany sy bala maromaro izy nandritra izany izay tombanana ho zanak’olona mahitahita. Soa ihany anefa fa tsy nisy ny naratra na namoy ny ainy, an-kevitry ny tifi-danitra no nataon’ilay tovolahy fa tsy hoe hitifitra olona raha ny firesak’ireo nahita ny tranga. Nentina avy hatrany teny amin'ny biraon'ny Polisy ny ity farany natao fanadihadiana ary fantatra fa hiakatra fitsarana anio alatsinainy ny raharaha.
Pati
Legende : Ity ilay tovolahy nanapoaka basy tao anatin’ny toeram-pisotroana