Actualités

Mahajanga Hiakatra 400 Ariary ny sarandalan�ny taksibe

Actualités
Alakamisy 19 Jona 2014

Hiakatra ny sarandalana amin’ny taksibe rehetra ao Mahajanga manomboka ny volana jolay izao. Efa mampiomana ny mpandeha momba io fiakarana io ny mpitatitra amin’ny alalan’ny soratra mipetaka ao anaty fiara. Ho 400 Ariary io sarandalana io raha 300 Ariary izany amin’izao fotoana izao ho an’ireo mivezivezy ao an-tampon-tanàna. Ho an’ireo amin’ny zotra faha-12 mankeny amin’ny “petite plage” kosa dia ho 500 Ariary raha 400 Ariary ny teo aloha. Nilaza ireo mpamily fa matiantoka tanteraka izy ireo raha tsy mampiakatra ny sarandalana vokatry ny fiakaran’ny vidin-tsolika.