Actualités

Mahajanga Bajaj 100 sy fiara 7 nampidirina "fourrière"

Actualités
Sabotsy 18 Aprily 2020

Bajaj miisa 100 sy fiara misa 7 no nampidirina "fourrière" any Mahajanga. Noho ny fandikan’ireo mpamily ny naoty navoakan’ny kaominina ambonivohitr’i Mahajanga no voalaza fa anton’izany.

Lohalaharana amin’ireny ny tsy fahafahan’ny bajaja mitondra olona mihoatra ny roa miaraka amin’ny mpamily ho fanajana ilay elanelana 1 metatra iadiana amin’ny coronavirus. Ho an’ireo fiara indray dia misy amin’izy ireo no manararaotra ny fahalalahan’ny lalana ka mijanona eny amin’ny toerana tsy tokony hanaovana izany, eo koa ireo miantsona amin’ ny toerana fijanonan’ny taxibe, ankoatra ireo tsy manaja ny lalana mifehy ny fifamoivoizana. Nomarihin’ny tompon’andraikitra misahana ny fitateram-bahoaka ao Mahajanga moa fa mbola ao anatin’ny fihibohana tanteraka ny rehetra amin’izao noho izany tokony hanaja ny fepetra napetraka. Ho an’ny bajaj manokana dia nomarihiny fa tsy azo hatao ny manao taingim-be na ho an’ny mpamily iza na ho an’ny mpamily iza.

Pati