Madagasikara sy Emirà arabo mitambatra

Partagé sur :
• facebook

stratejika sy azo itokisana

Mijanona ho mpiara-miombon’antoka stratejika sy azo itokisana ho an’ny Emirà arabo mitambatra i Madagasikara, raha ny fampitam-baovao voaray mikasika ny dian’ny filohan’ny fanavaozana any Abu Dhabi omaly. Ny diplomasia amin'ny sehatry ny angovo sy ny fizahantany no himasoan’i Madagasikara ankehitriny izay ho amin'ny diplaomasia mahery vaika eo amin'ny sehatra ara-toekarena hoy ny filohan’ny fanaovaozana ny repoblikan’i Madagasikara. Mandray anjara amin’ny ADSW na ny herinandron'ny fampandrosoana lovainjafy 2026 i Madagasikara, izay tanterahana any Abu Dhabi ka any an-toerana ireo delegasionina tarihin’ny Kolonely Michael Randrianirina. Ity fihaonambe ity dia mikendry ny hanova ireo hevitra goavana ho vahaolana azo hampiharina sy haparitaka amin'ny sehatra maro samihafa. Firenena marin-toerana i Madagasikara, miorina amin'ny rafitra manaraka ny lalàmpanorenana ary efa miroso ao anatin'ny dingan'ny fanavaozana ara-panjakàna voarindra tsara hoy ihany ny Kolonely ka isany tanjon’i Madagasikara mandray anjara amin’ity fihaonana ity izany. Mijanona ho mpiara-miombon’antoka stratejika sy azo itokisana ho an'ny Emirà Arabo mitambatra i Madagasikara, indrindra eo amin’ny sehatra laharam-pahamehana toy ny angovo, ny fotodrafitrasa, ny fambolena ary ny fizahantany. Misokatra amin'ny fampiasam-bola ary manana loharanon-karena stratejika maro mahasarika mpampiasa vola emiraty maro ihany koa, hoy hatrany ny fanazavàna.
Nangonin’i J. Mirija
 

Tia Tanindrazana

Samia mijoro ho an'i Gasikara.