Loza tao Ambositra

May ny Tranom-panjakana

Actualités
Alakamisy 09 Jolay 2026

nefa tsy misy "Pompiers"

Nitrangana haintrano tao amin'ny Fokontany Andrefantsena Kaominina Ambonivohitra Ambositra Renivohitry ny Faritra Amoron'i Mania, omaly atoandro. Tranom-panjakana izay fonenan'ireo mpiasan'ny Kaominina Ambositra faharoa no nirehitra, vokatry ny ankoson'aratra. Ny mpiara-monina sy ny mpitandro filaminana no nifanome tanana tamin'ny famoahana ny entana sy famonoana ny afo. Soa fa tsy nisy ny naratra sy aina nafoy ary efa voafehy ny afo. Tonga nijery ny zava-nitranga ny Lehiben'ny Faritra Amoron'i Mania Rakotomalala Hari-Liva, ny Prefet n'Ambositra ary ny Ben'ny Tananan'Ambositra faharoa. Nankahery ireo niharam-boina izy ireo. Nanao antso avo amin'ny fitondram-panjakana ny Lehiben'ny Faritra ny mba hisian'ny Sampana Mpamonjy voina na "Pompiers" ao Ambositra, hisorohana ny loza mitranga tahaka izao.
Jean D.