Actualités

Lavarangana nianjera teny Isotry Olona 7 no tototra tao ambany “beton”

Actualités
Zoma 23 Oktobra 2020

Nitrangana toe-javatra nampalahelo tetsy Isotry ampitan’ny BMH omaly maraina tokony ho tamin’ny 10 ora. Lavarangana amina trano lehibe iray miorina eny an-toerana no nihotsaka tampoka ka nifatratra tamin’ireo mpivarotra kitapo teo akaiky izay tsy nanampo na inona na inona.

Olona fito nahitana raha araka ny fantatra no tototra tao izay fantatra fa tena voa mafy tokoa. Ilay beton mantsy no nitsena azy ireo avy any ambony ka tapa-tongotra ny roa tamin’izy ireo, nisy ihany koa ny tsy nahatsiaro tena raha vaky ny andrin’ny sasany. Tsy nisy kosa ny aina nafoy. Talohan’ny nitrangan’ity loza ity moa raha araka ny fanazavan’ireo nanatri-maso dia efa nampitaraina fatratra ireo mponina teny an-toerana ny vovoka sy ny tariby mitondra herinaratra nilatsaka avy tamin’io trano io, tranga izay toa efa nampilaza mialoha ihany tamin’ny ankapobeny. Tonga teny an-toerana nanampy ny fisokirana ireo mpivarotra ireo moa ny mpamonjy voina.

Pati