Lasa adala nivadihan'ny ody

Voasambotry ny polisy i Jôda

Actualités
Talata 08 Septambra 2026

Efa voasambotry ny

polisim-pirenena i Jôda, ilay lehilahy nalaza ho nivadihan'ny ody ratsiny ka lasa adala ao Mahajanga ao, raha ny fampitàm-baovao. Efa nalefa any Androva izy, hoy ny fanazavàna. Efa nisy ihany koa ny fifampiresahana tamin’ny reniny ary misaotra ireo olona tsara sitrapo izay efa nanampy tamin’ny fitsaboana azy, hoy hatrany ny fampitàm-baovao voaray. Tsiahivina moa fa niainga tamina fihetsika maharikoriko dia ny fanosorana maloto vavam-paompin-drano iombonana no nampiakatra ny hatezeran'ny olona tamin'ity adala ity voalohany. Nitohy tamin'ny filanjany antsibe nanenjehany olona eran'ny tanàna izany avy eo ka dia tsy maintsy nirosoana haingana izao fisamborana an'i Joda izao, raha ny fanazavàna voaray hatrany.
Nangonin'i J. Mirija