Actualités

Lalana digy Olona roa voatafika teny ambony moto

Actualités
Alatsinainy 11 Aogositra 2014

Olona roa nandeha moto, avy namonjy lanonana, no nosakanan'ny olon-dratsy teny amin�ny digy ny sabotsy maraina teo

Lehilahy sy vehivavy efa lehibebe no lasibatra tamin’izany. Nasian'ireo mpanafika hazo teo ampovoan'ny arabe ka rehefa nijanona ilay moto dia nirohotra tany amin'izy ireo ny olon-dratsy. Avy hatrany dia nidaroka ireto farany ary naka izay azony nalaina. Novelesan’ireo jiolahy tamin’ny hazo ny lohan’ilay rangahy ka naratra mafy ny tenany. Ilay ramatoa kosa dia voa teo amin’ny tehezany. Marihina anefa fa tsy nitondra volabe akory ireto mpandeha kodiaran-droa ireto, fa olona avy namonjy lanonana fotsiny ihany. Nisy nahita moa izy ireo tao aorian’ny fahavoazany ka avy hatrany dia naterin’izy ireo tany amin’ny HJRA Ampefiloha.