KOJAKOJA FANAMBOARAN-TRANO

Partagé sur :
• facebook

Tsy manana fahafahana ny handany volabe hikarakarana trano ny ankamaroan’ireo Malagasy

efa manana izany, indrindra amin’izao fiakaran’ny vidim-piainana izao. Misy anefa ireo tsy maintsy manao izany mba hahafahana miatrika ny fotoam-pahavaratra ka mitady ireo karazana kojakoja tsara kalitao sady mora. Tena sarotra ny mitady izany raha araka ny fanazavan-dRtoa Kesia, tompon’andraikitra voalohany ao amin’ny Mora tole. Ho an’ny tafo manokana mantsy dia nohazavainy fa misy marika hahafantarana azy izy ireny isaky ny 1 metatra. Amin’ny alalan’iny marika iny no hahalalana ny hatevin’ilay tafo izay nomarihiny manokana fa fafan’ireo mpivarotra sasany izany mba tsy ho hita, antony mahatonga ireo mpanjifa maro ho voafitaka. Mody hahenany kely ny vidiny amin’iny hoy hatrany Ramatoa Kesia nefa aleo mividy ilay somary miakatra 1000 na 2000 Ar kely ny vidiny nefa tena tsara. Ho azy ireo manokana moa dia notsindriany fa tokony ho mailo ny mpanjifa amin’ny hamaroan’ireo kaonty anaty tambajotran-tserasera misoloky azy ireo. Eny amin’ny Foara trano etsy amin’ny kianjan’i Barea Mahamasina no ahitana azy ireo nanomboka omaly Alarobia ka misy ny fitaterana maimaim-poana ny tafo ho an’ireo mividy ao aminy. Soloin’ny Mora tole ihany koa ireo carreaux sendra vaky eny an-dalana mandrapahatonga any amin’ny toerana izay hitondran’ny mpanjifa izany, ho an’ireo mividy ao aminy hatrany.
Pati
Legende : Ramatoa Kesia, tompon’andraikitra voalohany ao amin’ny Mora tole !
 

Tia Tanindrazana

Samia mijoro ho an'i Gasikara.