Karazan-gidro

Misy mahasahy mivarotra eny amin’ny torapasika

Actualités
Talata 07 Janoary 2025

Sady mampalahelo no mahasorena ny miheritreritra sy mahita ny zava-misy

ao amin’ny torapasik’i Foulpointe amin’izao fotoana izao. Misy mahasahy mivarotra eny amin’ny torapasika ny karazan-gidro izay heverina fa biby arovana sy ahiana ho lany tamingana no harem-pirenena rahateo. Isan’ireo karazana voalaza, ohatra, ny «Microcebus». Toy izany koa ny «Pachypodium». Aiza ny fandraisan’andraikitry ny mpitandro filaminana, indrindra, ny minisiteran’ny tontolo iainana manoloana ny tranga toy itony na dia atao hoe tsy ampy tahaka ny inona aza ny famatsiam-bola avy amin’ny fitondràm-panjakàna foibe? Misy mivarotra ireo karazan-gidro anaty makarakara toy ity hita amin’ny sary ity ary misy ny mangeja izany ihany koa anaty tavoahangy, raha ny nambaran’ireo mpitsangatsangana eny amin’ny torapasika hatrany.
Nangonin’i J. Mirija