Kaominin’Imerintsiatosika

Tontosa ny fanambadian’ny ben’ny tanàna mivady

Actualités
Alatsinainy 01 Jolay 2024

Tontosa ny sabotsy teo ny fitsofan-drano ny fanambadian’ny ben’ny tanànan’ny kaominin’Imerintsiatosika,

Andriambolanarivo Parisoa, sy ny vadiny, Razafimaroson Nanou Nancy. Tao amin’ny Kijana tany mena be, kaominin’Imerintsiatosika ihany, moa no nanaovana izany, raha ny angom-baovao voaray hatrany. Ny tenin’ny soratra masina ao amin’ny Baiboly, ao amin’ny Tononkiran’i Solomona 3: 4 manao hoe «Dia hitako ilay tian’ny fanahiko, ka nohazoniko izy fa tsy navelako handeha…» no noraisin’ireto mpivady vao ireto ho teny filamatra hanorenana izao tokantranon’izy roa izao. Tena nakotroka ny lanonana, raha ny fampitam-baovao, satria dia voalaza fa nahatratra hatrany amin’ny 2000 no isan’ireo mpanontrona nasaina tamin’izany fanambadiana izany. Hirariana ho tokantrano sambatra hatrany ihany koa ny azy ireo, etsy ankilan’izany.
J. Mirija