Actualités

Kaominina Tanjombato Zazalahy kely miisa 105 no noforaina maimaimpoana

Actualités
Alatsinainy 23 Jona 2014

Zazalahy kely miisa 105 no indray niara-noforaina maimaimpoana ny sabotsy 21 jona lasa teo teny amin�ny Kaominina Tanjombato.

Avy amina Fokontany miisa dimy izy ireo izay sady notolorana kilalao sy vatomamy. Vokatry ny ezaky ny fikambanana fijery vaovaon’i Tanjombato, tarihin’ny filohany Hoelimanjato no angady nananana sy vy nahitana izany. Raha araka ny fanazavany dia didimpoitra tamin’ny fomba fahiny hatrany no nisy teo amin’ity Kaominina ity hatramin’izay. Nitondra fomba vaovao sy moderna ny fikambanana tamin’ity taona ity izay notsindriany manokana fa vokatry ny hetahetan’ny mponina. Tamin’ny fomba amerikanina no nanaovana ny fandidiana ka dokotera maromaro ihany no nandray an-tanana izany. Tsara moa ny manamarika fa efa 12 volana izao no nisian’ny fikambanana ary efa miparitaka manerana ny Nosy izy. Tanjona kendreny ny hikatsaka ny soa iombonana ho an’ny daholobe fa tsy ho an’olon-tokana.