KAOMININA TALATAMATY

Vonona hiatrika ny fahavaratra

Actualités
Alarobia 19 Novambra 2025

Vonona hiatrika ny fotoam-pahavaratra ny

kaominîna Talatamaty, distrikan'Ambohidratrimo, tarihin'ny Ben'ny tanana Raharinoasy Elie Dominic. Efa mamarana ny asa fanamboarana ny lalankely Bemihisatra Ambohinambo Talatamaty ny kaominîna ankehitriny. Tetezan-kazo izy io teo aloha ary namboarina ho lasa "Beton". Raha ny ao amin’ny Fokontany Ambohinambo manokana dia fanombohana ihany izao fa mbola maro ireo izay tsy maintsy ho vitaina raha araka ny fanazavan'ny Ben'ny tanana. Tsy ho diso anjara ihany koa ny Fokontany sisa raha araka ny fantatrav ho fitsinjovana azy ireny. Tsiahivina moa fa tsy manao ambin-javatra ireo tantsaha mpamboly sy mpiompy ao amin'ny Faritra hiadidiany ity Ben'ny tanana iray ity. Ankoatra ny fizarana masomboly dia nandrotsaka zana-trondro miisa 25.000 tao amin'ny farihin'Andranotapahana izy ireo. Niarahany niasa tamin'ny Ministeran'ny Jono ny hetsika ho fanampiana ireo fianakaviana mivelona amin'ny asa fiompiana trondro eny amin'iny faritra iny. An-jatony maro izy ireo.
Pati
Légende : Santionany amin'ireo asa efa mandeha !