Kaominina Talatamaty

Namboly hazo 1000 fototra teny Andranovelona Ankazobe

Actualités
Talata 13 Febroary 2024

Tontosa ny faran’ny herinandro teo teny Andranovelona Ankazobe

ny fambolen-kazo ny kaominina Talatamaty anatin’ny Ambohidratrimo, izay notarihin'ny ben’ny tanàna Atoa Elie Dominique sy ireo mpiara-miasa rehetra ao anatin'ny anatin’io kaominina io, nahitana ihany koa ireo mpanolontsaina kominaly voafidy teo an-toerana. Tsy nanavahana na izay na iza ka nandray anjara mavitrika ihany koa ireo solontenan’ny Fokontany miisa 12 izay notarihin'ireo Filoha sy mpiara-miasa, ary tsy diso anjara ireo fikambanana maro misahana ny sosialy Mponina AUE, ny Mpanetana ara-pahasalamana, solotenan'ny klioba mpanao fanatanjahatena. Manodidina ny 200 teo nanatanteraka izany adidy masina ho an'ny Tanindrazana izany ho fanamaintsoana indray ity Nosintsika ity sady fiarovana tontolo iainana lovainjafy sy ho fiatrehana ny fiovaovan'ny toetr’andro, hoy hatrany ny tatitra. Zanankazo miisa 1000 fototra noho izany no voavoly, ka taorian’izay dia
nisy fiarahana niala voly narahina fanentanana rehetra. Nankasitraka ny Koperativa Cotisse izay izay niantoka ny fitaterana ireo nandray anjara tamin'ny fambolen-kazo ihany koa ny rehetra.
Toky R