KAOMININA TALATAMATY

Mitohy ny asa fampandrosoana na dia misy aza ny mpanenjika

Actualités
Alakamisy 16 Oktobra 2025

Mitohy ny asa fampandrosoana ho

an'ny kaominina Talatamaty, distrikan'Ambohidratrimo na dia misy aza ny mpanenjika hoy ny Ben'ny tanàna Raharinoasy Elie Dominic. Taorian'ny fanaparitahana ireo jiro manazava ny tanana ho enti-miady amin'ny tsy fandriampahalemana dia efa tafapetraka ihany koa ny andrimasom-pokonolona isam-pokontany ho fiarovana ny mponina sy ny fananany. Izany no antom-pisiako eto sy maha-Ben'ny tanana ahy hoy Raharinoasy Elie Dominic. Ny hitsinjo sy hitady izay mahasoa ny vahoaka no tanjona. Mikasika ny biraon'ny kaominina vaovao natsangana moa dia fantatra fa kely sisa izany dia vita tanteraka ary azo hiasana avy hatrany. Ho avy ihany koa ny fizarana valisoa ho an'ireo mpianatra nahazo naoty tsara farany teo ka afa-panadinana CEPE sy BEPC soa aman-tsara. Efa nahazo ny anjarany tamin'ny alalan'ny fitondran'ny kaominina nitsangatsangana azy tany Foulpointe kosa ireo afa-panadinana Bakalorea. Tongotra mby an-dakana hatrany araka izany ny dian-dRaharinoasy Elie Dominic ho fampandrosoana an'i Talatamaty.
Pati
Légende : Raharinoasy Elie Dominic, Ben'ny tananan'ny Kaominina Talatamaty !