KAOMININA TALATAMATY

Hentitra amin'ireo mpivarotra

Actualités
Alakamisy 21 Mey 2026

amoron-dalana mibahana lalam-bahoaka

Hentitra amin'ireo mpivarotra amoron-dalana mibahana lalam-bahoaka ny kaominîna Talatamaty.Tato anatin'ny herinandro vitsivitsy izao dia tsy mitsahatra ny manentana sy manabe ary mampahatsiahy ny vahoaka ny fiadidian’ny tanana fa tsy azo hatao ny mivarotra sy miantsona amin’ny sisin’arabe izay lalan’ny mpandeha tongotra mba hisorohana ny loza mety hitranga. Toraka izany koa ny fanelingelenana ny fifamoivoizana. Raha tsiahivina tokoa mantsy dia anisan'ny faritra be fitohanana ihany koa ny eny Talatamaty eny ary tena mampitaraina ny maro tokoa. Vokatry ny hamaroan'ny mpivarotra amoron-dalana, ny fisian'ireo fiara tsy manara-dalana, ireo posy... anefa amin'ny ankapobeny no antony mahatonga izany ka tsy maintsy handraisana fepetra. Mikasika ny fitohanana miazo an'Itaosy Atsimondrano manokana dia tsara ny manamarika fa efa nihamaivana izany nanomboka omaly Alarobia 20 May. Efa samy mandray ny andraikiny avokoa ireo tompon'andraikitra ankoatra ny fahatongavan-tsain'ireo tsy manara-dalana toy ireo kamiao lehibe miditra tsy lera mibahan-dalana...
Pati
Légende : Mihetsika tahaka izao ireo polisy kaominaly !