KAOMININA SOAVINA

Olona 4 mianaka maty nianjeran'ny trano

Actualités
Zoma 05 Desambra 2025

Olona efa-mianaka no indray maty

nianjeran'ny trano nonenany tao amin'ny Fokontany Ambihivy, kaominîna ambànivohitr'i Soavina, distrikan'Atsimondrano afak'omaly Alarobia nifoha omaly Alakamisy tokony ho tamin'ny 11 ora sy sasany alina. Raha araka ny loharanom-baovao dia nihotsahan'ny tany avy any amboniny ny trano nitoeran'izy 4 mianaka ireto vokatry ny ora-mikija. Samy resin-tory tany an-tokantranony avokoa ny rehetra nandritra izany ka omaly maraina vao hita ity tranga mampalahelo ity ary nanomboka ny fikarohana ny vatana mangatsiakan'izy 4 mianaka. Efa hita avokoa izy ireo hatramin'ny omaly hariva fotoana nanoratanay. Ankoatra ny tao Soavina izay namoizana ain'olona 4 moa dia nentin'ny rivotra nifofo ihany koa afak'omaly alina ny tafon'ny tranom-barotra Jumbo Score eny Tanjombato. Ireo fiara nijanona teo amin'ny manodidina no lasibatra vokatr'izany raha tsy nisy kosa ny naratra.
Nangonin'i Pati
Légende : Tsy nahatratra ny andro maraina omaly intsony izy 4 mianaka Ireto !