KAOMININA IVATO

Mihazakazaka ny asa fampandrosoana

Actualités
Alatsinainy 17 Febroary 2025

Mihazakazaka ny asa fampandrosoana ny tanana ho an’ny Kaominina Ivato, distrikan’Ambohidratrimo.

Taorian’ny tapa-bolana nitondran’ny Ben’ny tanana Penjy Randrianarisoa indray dia efa hita taratra sahady izany toy ny fanamboarana ireo foto-drafitrasa mahakasika ny fiainam-bahoaka mivantana. Ankoatra ny arabe mikodana dia voakasika koa ireo karazana lalana any an’elakelan-trano izay mbola hitohy ao amin’ny faritra K4. Tanjon’ny Ben’ny tanana ny mba hahafahana mampandroso araka ny tokony ho izy hatramin’ny farany ny tananan’Ivato manontolo, fanamby efa napetraky nandritra ny fampielezan-kevitra notanterahiny farany teo. Tsy latsa-danja amin’izany ny sosialim-bahoaka sy ny ady amin’ny tsy fandriampahalemana izay tena mampitaraina ny faritra maro tokoa amin’izao fotoana izao. Fantatra moa fa samy hahazo tombontsoa amin’izany avokoa ny Fokontany rehetra, fa tsy hisy hatao zanak’Ikalahafa.
Pati
Legende : Tahaka izao ny asa efa vita !