Actualités

Kaominina Avaratsena Ambohidratrimo Tafidina 500 Ar ny iray kilao amin’ny tongolobe, mijaly ny tantsaha

Actualités
Talata 07 Novambra 2017

Miaina anaty fahasahiranana tanteraka ireo tantsaha mpamokatra any amin’ny kaominina ambanivohitra Avaratsena, distrikan’Ambohidratrimo ankehitriny.

Raha araka ny fanazavan-dRazakarivony, Ben’ny tanàna any an-toerana dia tafidina hatrany amin’ny 500 Ar ny iray kilao amin’ny tongolobe ao anatin’ny kaominina iadidiany raha efa tafakatra 600 Ar ny iray kapoaka amin’ny fotsimbary. Mamokatra tongolo 3.000 taonina isan-taona anefa ity kaominina iray ity, miaraka amin’ny tongolo gasy. Manoloana io tranga io dia tena tafalatsaka anaty fahasahiranana tanteraka ireo tantsaha mpamokatra ao Avaratsena izay ahitana ny 95 %-n’ny mponina. Tsy mahaleo ny sarany lany tamin’ny fikarakarana ny fambolena ny vidim-bokatra sady mbola hanjakan’olon-tokana ihany koa ny varotra, hoy izy ireo. Olana goavana sedrain’izy ireo ny tsy fahitana lalam-barotra mankany ivelany koa hanaovany antso avo amin’ny fanjakana.

Pati