KAOMININA ANDRANONAHOATRA

Zazalahy kely 60 isa natao didim-poitra maimaimpoana

Actualités
Alatsinainy 07 Jolay 2025

Zazalahy kely 60 isa no indray natao didim-poitra maimaimpoana afak'omaly Sabotsy 05 Jolay

tao anatin'ny Kaominina Andranonahoatra, distrikan'Atsimondrano. Ho fanamaivanana ny fahasahiranan'ny Ray aman-dReny indrindra amin'izao fiainana mihamafy isan'andro izao no nambaran'ny Ben'ny tanana Rasamison Haja no anton'izany. Notsiahiviny manokana fa tamin'ny taona 2016 ny kaominina no nanomboka nanao hetsika famoran-jaza faobe tahaka izao rehefa vanim-potoanan'ny ririnina. Tsy niova ihany koa ny dokotera niara-niasa tamin'ny kaominina hatramin'izay ary tamin'ny fomba Amerikana no nanaovana izany. Teny amin'ny Fokontany moa no naparitaka ny filazana. Ho an'ireo taraiky dia nanatona ny kaominina avy hatrany izy nanoratra ny anaran-janany. Niroso tamin'ny fampandrenesana ny dokotera ny kaominina taorian'izany ary dia natao ny fandidiana. Fantatra moa fa efa manana ny laharam-pindain'ny dokotera ny kaominina raha sanatria ka.manana olana ilay zaza natao didim-poitra. Na izany aza hoy hatrany ny Ben'ny tanana dia mbola zaza iray ihany aloha hatreto no tratran'izany tato anatin'ny 9 taona. Mbola notolorana vatomamy sy kilalao ireo zaza nodidiana taorian'izany.
Pati
Légende : Mbola nanolotra kilalao tahaka izao koa ny Ben'ny tanana !