KAOMINÎNA ALASORA

Tafakatra 500 omaly ireo mpianatra nanamboarana kopia

Actualités
Talata 12 Mey 2026

Tafakatra 500 isa omaly Alatsinainy 11 May

tapany maraina ireo Ray aman-dRenin'ny mpianatra tonga nanamboatra kopia mari-pahaterahana ho an'ny zanany teo anivon'ny kaominîna Alasora, distrikan'Avaradrano raha 300 isa isan'andro izany teo aloha. Voatery nandray fepetra noho izany ny kaominîna, raha araka ny fanazavan'ny Ben'ny tanana Randriantsoa Jimmy. Manodidina ny 15 ka hatramin'ny 20 minitra eo ho eo mantsy ny fotoana lany amin'ny fanamboarana kopia mari-pahaterahana iray. Ho an'ireo mpianatra teraka tao anatin'ny kaominîna Alasora dia eny anivon'ny sekoly no manao fangatahana ireo Ray aman-dReny ary ny sekoly no mifandray mivantana amin'ny kaominîna hanamorana kokoa ny asa. Ho an'ireo teraka tany amin'ny kaominîna hafa kosa dia tsy maintsy manatona ny kaominîna Alasora ihany ireo Ray aman-dReniny. Tsiahivina moa fa mbola mijanona ho 600 Ar hatreto ny manamboatra kopia mari-pahaterahana iray eo anivon'ny kaominîna Alasora raha efa mahatratra 2.000 Ar ny an'ny sasany.
Pati
Légende : Randriantsoa Jimmy, Ben'ny tananan'ny kaominîna Alasora !