KAOMININA ALASORA

Hotohizana ny ezaka vita

Actualités
Zoma 11 Jolay 2025

Hotohizana ny ezaka vita ho an'ny Kaominina ambanivohitr'Alasora, distrikan'Avaradrano.

Tontosa soa aman-tsara afak'omaly Alarobia 09 Jolay ny fandrafetana ny teti-bolan'ny kaominina taona 2026, notarihin'ny Ben'ny tanana Randriantsoa Jimmy. Nanotrona azy tamin'izany ny rafitra ifotony ho an'ny fikaonan-doha na ny RIF...Haroso manoloana ireo mpanolon-tsaina kaominaly amin'ny tapaky ny volana Aogositra ho avy izao mandritra ny fivoriana hotontosain'izy ireo ny fanapahan-kevitra tapaka tamin'izany izay marihina fa miompana amin'ny fanatsarana ny fiainam-bahoaka avokoa. Lohalaharana amin'ireo ny fanohizana ny ezaka efa vita toy ny asa fanamboarana sy fikojana ny lalana, ny fanomezana sakafo ireo ankizy miatrika ny fanadinam-panjakana CEPE, ny fanomezana cours maimaim-poana ireo mpanala baka sy bepc, ny fandrakofana jiro ny lalana, ny fikarakarana ireo karazana vakoka, ny fampiroboroboana ny lafin'ny fanatanjahantena hiarovana ny tanora tsy hanaotao foana, ny fanohanana ireo tantsaha mpamokatra....Ezaka efa natao hatramin'izay avokoa ireo hoy ny Ben'ny tanana saingy mbola hotohizana hatrany ho fanomezana fahafaham-po ny vahoaka.
Pati
Légende : Randriantsoa Jimmy, Ben'ny tananan'ny Kaominina Alasora miatrika ny fampandrosoana amim-pitsikiana !