Kaominin'Antananarivo renivohitra

Mampiala voly ireo ankizy tsy afaka mandeha vakansy

Actualités
Alakamisy 07 Aogositra 2025

Betsaka ireo fianakaviana tsy mba afaka miala sasatra akory amin'izao vakansy lehibe

izao noho ny hasarotan'ny fiainana. Mila manana an-tapitrisany mantsy vao afaka mivoaka lavidavitra toa an'i Mahajanga raha haka rivotra mandritra 3 monja ho an'olona 3 mianaka. Na ny karaman'ny mpivady iray volana aza anefa misy tsy mahatratra 1 tapitrisa Ar akory. Ho fitsinjovana azy ireny indrindra dia mampiala voly sy manabe ireo ankizy sy tanora eto an-drenivohitra ny Kaominina Antananarivo renivohitra. Mitohy hatrany etsy amin'ny kianjan' Alarobia ny andiany voalohany isaky ny andron'ny Alarobia, mandritra ity volana Aogositra ity. Misokatra ho an'ireo ankizy 5 ka hatramin'ny 17 taona izany. Karazana taranja ara-panatanjahantena maro toa ny taranja Baolina kitra, rugby ary atletisma no hampanaovina ireo ankizy mandray anjara amin'izany.Ankoatra izay dia beazina momba ny fahaiza-miaina ihany koa izy ireo' hahatonga azy ho olom-banona.
Pati
Légende : Marobe tahaka izao ireo ankizy mandray anjara