Actualités

Jean Nirina – Filohan’ny HAFARI Nivoaka ny fonja, afaka madiodio

Actualités
Sabotsy 23 Septambra 2017

Nivoaka ny fonja omaly zoma 22 septambra rehefa avy namita sazy nandritra ny herintaona mahery teny amin’ny fonjaben’Antanimora ny filoha nasionalin’ny fikambanana HAFARI Malagasy Rafanomezantsoa Jean Nirina.

Omaly vao nivoaka ny didy mifandraika amin’izany izay marihina fa nanafaka azy madiodio tao anatin’ireo fitoriana nahatratra 104 nanenjehana azy. Nambarany fa nametraka foana ny fahatokisany ny fitsarana ny tenany sy ny fikambanana entiny tao anatin’izay fotoana lavalava izay. Tsy diso mihitsy, hoy hatrany izy, ny fampanoavana raha nampiditra am-ponja vonjimaika ny tenako satria be loatra ireo dosie nanenjehana ahy. Notsiahiviny fa hiverina hiasa amin-kery indray ny tenany manomboka izao entina hanampiana ireo mpiara-belona sahirana ara-pivelomana sy hiharan’ny tsindry hazo lena. Tsy latsa-danja amin’izany ny asa fampiroboroboana ilay tetikasa fifindra-monina any Soaniedanana PK 67.

Pati