Jean Louis Andriamifidy

«Tsy kolikoly ny fizaran-javatra rehefa fampihelezan-kevitra»

Actualités
Alatsinainy 14 Jolay 2025

Tokony hahay hanavaka ny hosoka sy ny kolikoly ara-pifidianana ny olompirenena,

hoy ny tale jeneralin’ny CSI na «Comité pour la Sauvegarde et l'intégrité», izany hoe ny komity mitandro ny fahamarinana, Jean Louis Andriamifidy. Ireo voafaritra ao amin’ny lalàna fototra 2016-020 ihany no azo lazaina fa kolikoly ary enjehin’ireo rafitra miady amin’ny kolikoly eto Madagasikara, hoy izy. Tsy voasokajy ho kolikoly ny fizaran-javatra rehefa fotoanan’ny fampihelezankevitra fa raisina toy ny fandikan-dalàna tsotra . Efa misy ireo didy aman-dalàna momba ny fifidianana eto Madagasikara saingy tsy voafaritra ao anatin’izay ho fandikan-dalàna ireo lazaina fa fividianan’olona. Fandikan-dalàna tsotra ireny zavatra ireny, hoy hatrany ny tenany, ka tokony hahay hanavaka ny kolikoly sy ny hosoka ny olompirenena. Tahaka ny ahoana moa izany ny fandikàn-dalàna no atao hoe tsotra dia mba mahazo ny sazy sahaza azy ve ireo lazaina fa manao fandikàn-dalàna tsotra fotsiny rehefa fampielezankevitra, indrindra fa rehefa kandidàm-panjakàna no manao ilay hoe «fandikàn-dalàna tsotra» izay? Fanontaniana isany mipetraka izany.
J. Mirija