Isaky ny misy rotsak’orana

Voahelingelina hatrany

Actualités
Zoma 14 Novambra 2025

ny fifandraisan-davitra

Isaky ny misy rotsak’orana, toy ireny omaly ireny, izany dia voahelingelina hatrany ny fifandraisan-davitra. Maro tamin’ireo mpikirakira izany indray no nitaraina ho nijaly, raha ny fitarainana voaray teto an-drenivohitra sy ny manodidina aloha. Misy ireo mametra-panontaniana, etsy ankilany, hoe fanahinian’ireo orinasam-pifandraisana ve no antony sa tena vokatry ny olana ara-toetr’andro mihitsy tokoa? Ny tsikaritra tsinona dia toa arakaraky ny haratsin’ilay kalitaom-pifandraisana omena ny mpanjifa na koa hoe voarain’ireo mpanjifa no vao mainka mampitombo ny vola lany amin’ny fampiasàna sy fikirakiràna izany? Andrasan’ny maro, araka izany, ny fiverenan’ny fitondràm-panjakàna vaovao izay mijoro mba hijery ny fepetra tokony ho raisina manokana mikasika izay fanaraha-maso sy famaizana, raha sanatria misy fihoaram-pefy sy fanararaotana hatrany ataon’ireo orinasam-pifandraisana misy eto Madagasikara amin’izao fotoana izao ireo izay.
J. Mirija