Actualités

Iray volan’ny ankizy Nanentana momba ny fanjarian-tsakafo ny Ministeran’ny mponina

Actualités
Zoma 23 Jona 2023

Mbola betsaka ireo ankizy tsy misakafo ara-dalàna amin’izao. Mitombo isa mihitsy izy ireny noho ny fahasahiranan’ny Ray aman-dReny.

Indray mandeha isan’andro sisa no mahita izany ny sasany, nefa tena zon’ny ankizy feno ny hisakafo ara-dalana, hianatra, hotsaboina raha maharary….Izany indrindra no antony nanaovan’ny Ministeran’ny mponina sy ny ofisim-pirenena miady amin’ny tsy fanjarian-tsakafo hetsika teny amin’ny kianja manara-penitra Mahitsy. Niompana tamin'ny fanentanana momba ny fanjarian-tsakafo sy ny fahasalaman'ny ankizy ny hetsika narahina kilalao maro isan-karazany. Nitarika ny fotoana, nisolo tena ny Minisitry ny Mponina Soafilira Princia, ny Tale Jeneralin'ny Mponina Rakotondrainibe Andry. Loha-hevitra nitondrana ny hetsika moa ny hoe : "Antoky ny ho avy mamiratry ny ankizy, ny anio". Mbola tafiditra ao anatin’ny fanamarihana ny iray volan’ny ankizy hankalazaina amin’ity volana Jona ity avokoa izany rehetra izany.
Pati