Actualités

ILAKAKA � MPIBIZINA SAFIRA VOATAFIKA Lasan�ny jiolahy 5 nirongo basy ny vola 12 tapitrisa Ariary

Actualités
Talata 09 Septambra 2014

Nitrangana fanafihan-jiolahy narahina fandrobana indray tany Ilakaka ny alahady teo. Raha ny loharanom-baovao avy any an-toerana, dia mirahalahy mpividy vato avy any Ambovombe Androy nibizina safira efa an-taonany maro tao Ilakaka no voatafika,

tany atsimon’i Manombo, ka lasan’ny jiolahy tamin’izany ny lelavola 12 tapitrisa ariary saika hividianana safira. Teny an-dalana dia nifanehitra tamin’ny malaso izy mirahalahy. Tsy misy ny alaharo fa tonga dia nitifitra ireto farany. Nisolifatra teo amin’ny ilan-tanana an-kavian’ny mpividy vato iray ny bala. Nahita izany ilay namany tonga dia niankohoka tamin’ny tany nibaboka. Ny tany koa ngazana zara raha misy bozaka avo azo hiafenana. Lelavola mitentina 12 tapitrisa ariary niampy finday telo no lasan’ireo olon-dratsy izay voalaza fa nitondra basy lava ny roa, raha basy vita gasy kosa ny telolahy.