Actualités

Ikalamavony Lehilahy iray takalon�aina maty notapahin-doha

Actualités
Alarobia 20 Aogositra 2014

Faritra mena hatry ny ela Ikalamavony ary miaina ao anaty horohoro tanteraka ny mponina any amin�ity Distrika andrefan�i Fianarantsoa ity amin�izao, satria tsy misaraka amin�ny basy mahery vaika hatrany ireo dahalo manafika

Ny zoma antoandro teo, tao Maherivinda, Fokontany Ambodivohitra dia omby 70 teo am-piraofana ahitra no norobain’ny dahalo ary nalain’izy ireo an-keriny nataony takalon’aina ny mpiandry omby iray. Notapahin’ireo dahalo ireo anefa ny lohan’ity farany, noho ny antony tsy mbola fantatra, ka maty tsy tra-drano. Ny ampitson’io, olona roa tamin’ireo Fokonolona mpanara-dia no naratra mafy voatifitry ny malaso ka tapaka tanteraka ny tanan’ny anankiray, tao amin’ny tanànan’i Mandoanono, Fokontany Ivatsiana, hoy ny loharanom-baovao avy any an-toerana. Hetahetan’ny mponina ny handraisan’ny fanjakana andraikitra amin’izay mba hamerenana ny fandriampahalemana, satria tsy mionona amin’ny fandrobana omby intsony ny olon-dratsy fa mandatsak’aina sy manolana.