Actualités

Horonantsary mamofady, ompa,… Ny mpandrindra vondrona facebook no manefa

Actualités
Talata 29 Septambra 2020

Fanaparitahana sary sy horonantsary mamoafady, fihantsiana adim-poko sy fanompana olona ary fanalam-baraka mpitondra fanjakana , mpanao politika sy ireo olom-pirenena tsotra .

Ireo no isan'ny miverimberina hita tao anatin'ilay vondrona "Zava-misy eto madagasikara sy Maneran-tany" ka voatery nandray ny andraikitra ny Polisy ary nosamborina ny lehilahy 01 tompon'ireo vondrona ireo rehefa natao hatrany ny fanentanana mba tsy hamoaka vaovao tsy mendrika toy ny hita tetsy ambony satria manimba ny fisainan'ny fiaraha-monina malagasy izany, hoy ny Polisim-pirenena. Nomarihin’ny mpitandro filaminana fa anisan’ny tompon’andraikitra feno amin’ireo “publication” izay mivoaka eo amin’ny pejy na ny vondrona tantaniny ny “administrateur , ny modérateur “ ny vondrona tsirairay ka noho izany dia tokony hanara-maso ny vaovao sy ny zavatra avoakan’ny olona izy ireo. Nanentana hatrany ny mpampiasa ny tambazotran-tserasera rehetra mba hampiasa izany am-pahamendrehana ny avy amin’ny Polisim-pirenena. Vao tsy ela no nisy ireo raharaha fanenjehana, tahaka ilay nahazo ny mpanakanto iray sy ireo mpikarikara vondrona facebook, saingy maro no mbola tsy fay.

Toky R